მე, როგორც ეკონომიკის მინისტრმა, არ შემიძლია სიხარულით არ აღვნიშნო, რომ ქუჩებში პირველი უცხოელი ტურისტები გამოჩნდნენ, – ამის შესახებ საკოორდინაციო საბჭოს სხდომაზე ნათია თურნავა აცხადებს.
„იცით, რომ აგვისტოში რეგულარული ფრენები გავხსენით. მიუნხენის რეისები სრულდება, პარიზიდან 8 აგვისტოს ჩამოფრინდებიან, დღეს გამოფრინდება და ხვალ ჩვენთან იქნება რიგა-თბილისი-რიგას რეისი.
გარდა ამისა, აირზენა კომერციულ ჩარტერებს ასრულებს. ასევე, სხვა კომპანიებთან მოლაპარაკებებს ვაგრძელებთ, ეპიდემიოლოგიური ვითარების გათვალისწინებით, ეტაპობრივად სხვა შესაძლო ფრენებსაც გავხსნით.
მე, როგორც ეკონომიკის მინისტრმა, არ შემიძლია სიხარულით არ აღვნიშნო, რომ ქუჩებში პირველი უცხოელი ტურისტები გამოჩნდნენ. მაგალითად, პარიზიდან, მინხენიდან და ევროპის სხვა ქალაქიდან ჩამოფრენილი მგზავრების 3/4 არიან უცხოელი ტურისტები. აქედან გამომდინარე, ქუჩებში უკვე შევძლებთ მონატრებული უცხოელი ტურისტების დანახვას. ჩვენი მოქალაქეებიც მოფრინავენ და სარგებლობენ ამ რეისებით, თუმცა ძირითადად არიან ვიზიტორები, რომელთაც საქართველოს მონახულება სურთ, რადგან მიმზიდველობის გარდა უსაფრთხოა ჩვენი ქვეყანა“, – აცხადებს ნათია თურნავა.
