“სტრატეგია აღმაშენებლის” ერთ-ერთი ლიდერი, სერგო ჩიხლაძე აცხადებს, რომ ოპოზიცია რევოლუციურ სცენარს არ განიხილავს და სამთავრობო პროპაგანდის ნაწილია.

„რევოლუცია ჯერ ერთი არ იგეგმება და ამას ვერავინ დაგეგმავს. სრული პასუხისმგებლობით ვაცხადებ, არცერთ შეხვედრაზე რევოლუციური სცენარი არ განიხილება, ვერც განიხილება, ეს არის სამთავრობო პროპაგანდის ნაწილი, რომ რევოლუციაზე ვიღაცა ფიქრობს და თუ მშვიდობიანი დემონსტრაცია რევოლუციაა, კი ბატონო“, – განაცხადა ჩიხლაძემ.

ამასთან, სერგო ჩიხლაძის თქმით, სამთავრობო პროპაგანდა NDI-ის კვლევის შედეგსაც სათავისოდ იყენებს.

„მეც რომ დამისვან კითხვა, მეც ვიტყვი რომ ყველა პარტია უნდა იყოს წამროდგენილი პარლამენტში, აქ არ ყოფილა განხილული როგორ აფასებენ ბოიკოტს ან გაყალბების შემთხვევაში უნდა შევიდნენ თუ არა, ამიტომ ესეც არის სპეკულაცია სამთავრობო პროპაგანდის, რადგან ეს კითხვა არ ყოფილა აქ დასმული. რაც შეეხება შესვლა-არ შესვლას, ყველა უნდა ამოვიდეთ ობიექტური მოცემულობიდან, რომ მოლაპარაკების გარეშე ეს არ მოხდება. თუ მოლაპარაკება და შეთანხმება არ მოხდა ოპოზიციასა და ხლეისუფლებას შორის, გამორიცხულია შესვლაზე ლაპარაკი. არ აქვს მნიშვნელობა ვისი მოწოდება იქნება ევროსაბჭოზე. ყველაზე მეტად გვესმის და გვინდა პარლამენტის საქმიანობაში მონაწილეობა, მაგრამ შეთანხმების გარეშე ამას აზრი არ აქვს“, – განაცხადა სერგო ჩიხლაძემ.