სამწუხაროდ ძალიან ბევრი ინფიცირებული გვყავს, იმაზე მეტი, ვიდრე წარმოგვედგინა და გათვლილი იყო, – ამის შესახებ თბილისის სახელმწიფო სამედიცინო უნივერსიტეტის პირველი საუნივერსიტეტო კლინიკის დირექტორმა, ლევან რატიანმა “ტვ პირველთან” განაცხადა.
ლევან რატიანი ქვეყანაში არსებული რთული ეპიდემიოლოგიური ვითარებიდან გამოსვლის გზად მკაცრ შეზღუდვებს ასახელებს.
„ყველაფერს აქვს თავისი რესურსი, მითუმეტეს სამედიცინოს. ინფექციის გავრცელების წყვეტა, რომ მოხდეს ერთადერთი ამოსავალი წერტილი, სრული პასუხისმგებლობით ვაცხადებ, რომ უნდა დაიწყოს მკაცრი შეზღუდვები, იმიტომ, რომ ვერ გაუძლებს ამას სამედიცინო საზოგადოება“-ამბობს რატიანი.
ლევან რატიანის თქმით, მთავარი ადამიანის სიცოცხლეა და სახელმწიფომ უნდა იზრუნოს იმაზე, რომ რაც შეიძლება მეტი სიცოცხლე გადარჩეს, ამისთვის კი ინფექციის გავრცელების წყვეტა უნდა მოხდეს, რაც თავის მხრივ მკაცრი შეზღუდვებით მიიღწევა.
„ერთი რამ ვიცი ცხოვრებაში, რომ სიცოცხლე უნდა გადარჩეს და რაც შეიძლება ბევრი, იმიტომ, რომ ამ ქვეყნის შვილებს, როგორც მე, როგორც თქვენ, როგორც ყველას არაფერი არ დაუშავებიათ, რომ სიცოცხლის გაგრძელების უფლება არ ჰქონდეთ“, – განაცხადა რატიანმა.
