WHO-ს წარმომადგენელი, ვასილი ესენამანოვი „პრაიმტაიმნიუსთან“ საუბარში საქართველოს მთავრობის გადაწყვეტილებას დიდ ქალაქებში სწავლის პროცესის გადადებასთან დაკავშირებით, დადებითად აფასებს.
„WHO-ს რეკომენდაციის მიხედვით, იმ ადგილებში, სადაც კორონავირუსის გადაცემის მაღალი მაჩვენებელი ფიქსირდება, სწავლა უნდა გადაიდოს. სწორედ ეს მოხდა საქართველოს შემთხევაშიც. სწავლა დროებით გადაიდო ისეთ ადგილებში, სადაც ვირუსის გადაცემის მაღალი საშიშროება იყო“,- განუცხადა „პრაიმტაიმნიუსს“ვასილი ესენამანოვმა.
შეგახსენებთ, რომ უწყებათაშორისი საკოორდინაციო საბჭოს გადაწყვეტილებით, ხუთ დიდ ქალაქში – თბილისში, რუსთავში, გორში, ქუთაისში, ზუგდიდსა და ფოთში სასწავლო პროცესი 1 ოქტომბრამდე გადაიდო.
