პარტია „კანონი და სამართალი“ ლიდერი თაკო ჩარკვიანი 2020 წლის საპარლამენტო არჩევნებზე მაჟორიტარობის კანდიდატი საბურთალოს ოლქში იქნება, ამის შესახებ საკუთარ ფეისბუქ გვერდზე დაწერა.
„ძვირფასო მეგობრებო! ქალბატონებო და ბატონებო!
პირველად გამცნობთ თქვენ, დაპირებისამებრ, უპირველესად თქვენ!
გადაწყდა და დიდი ხნის ბჭობის და დიიიდი სამეგობროს, ასევე ჩემი ძმის მამუკა ჩარკვიანის თხოვნით, ჩემს ოჯახთან კონსულტაციის შედეგად , დედას – ამ ქვეყანაზე უზომოდ შეყვარებული, პატრიოტი ირმა ჩხეიძის, ქვეყნის და ხალხის გულშემატკივრების თხოვნით გადაწყვეტილება მიღებულია – კენჭს ვიყრი საბურთალოს რაიონის მაჟორიტარად, ჩემს უბანში.
დევიზი ასეთია “არც ერთი ხმა პუტინს”! საქართველო კორუფციონერების და 30 წლიანი თაღლითი -კორუფციაში ჩაფლული , ოკუპანტთან გარიგებული პოლიტიკანების გარეშე, ბიუჯეტის ძარცვით ახალგაზრდების მომავალს და მოხუცების სიბერეს -პენსიას , რომ იპარავენ!!
მიყვარხართ მე თქვენ, მიყვარს გაწვალებული მტრისგან დაუცველი საქართველო და მხოლოდ ამიტომ მივიღე ეს გადაწყვეტილება“,- წერს სოციალურ ქსელში ჩარკვიანი.
ოპოზიციურმა ერთობამ დედაქალაქის 6 ოლქში მაჟორიტარი კანდიდატები დაასახელა, თუმცა საბურთალოსა და დიდუბის ოლქში კანდიდატი ამ ეტაპამდე არ დასახელებულა, უცნობია დაუჭერს თუ არა მხარს „ლეიბორისტული პარტიის“ ოფისში შეკრებილი ოპოზიცია თაკო ჩარკვიანს.
