„პოსტს არ გავცნობილვარ, მაგრამ ამბავი ვიცი. თაკო ჩარკვიანისთვის არაფერზე, არცერთ ბრალდებაზე სერიოზული პასუხი არასოდეს გამიცია. ეს არ არის პირველი და უკანასკნელი და არც ახლა სერიოზულად აღქმას არ ვაპირებ“, – ასე პასუხობს “ევროპული საქართველოს” ლიდერი, გიგა ბოკერია თაკო ჩარკვიანის განცხადებას.
ცნობისთვის, თაკო ჩარკვიანი ბურჯანაძე-ბოკერიას პოლიტიკურ გვამს უწოდებს და პროცესებიდან მათ ჩამოშორებას ითხოვს.
„წინა პლანზე გამოსულები არიან რუსული ვექტორის ბურჯანაძე და ბოკერია, რომელთაც საერთოდ მანდატი ხელში არ ეჭირათ. ესენი არიან პოლიტიკური გვამები და ამათი პროცესი არის საკუთარი თავების გაცოცხლება. ჩვენი პროცესი, ხალხთან ერთად არის ვადამდელი არჩევნების დანიშვნა, რომ საქართველოში არ იყოს პოლიტპატიმარი და რომ იყოს დასავლური ვექტორი.
შეიძლება, რომ გავრილოვის ინციდენტს ვებრძოდეთ და გავრილოვნა, საკანონმდებლო ორგანოში ხომ გვისხედან და მეორე გავრილოვნა გარეთ იდგეს მიკროფონთან და ის ორგანიზატორობდეს მიტინგს, რომელსაც უნდა ევროატლანტიკურ სივრცეში შესვლა,” – განაცხადა თაკო ჩარკვიანმა.
