“დროებით საგამოძიებო კომისიას არ დაუტოვებია არცერთი კითხვა, რაზეც 7 თვის განმავლობაში ოპონენტები სხვადასხვა მიმართულებით ცდილობდნენ საზოგადოების დარწმუნებას, რომ ვითომდა ეს არჩვენები გაყალბდა და შედეგები რეალობას არ ასახავდა”,- ამის შესახებ არჩევნების შედეგების შემსწავლელი დროებითი საგამოძიებო კომისიის თავმდჯდომარემ გივი მიქანაძემ განაცხადა.
“სამსაათნახევრის განმავლობაში უწყვეტად გვქონდა საუბარი ცენტრალური საარჩევნო კომისიის თავმჯდომარესთან და მინდა გითხრათ, რომ აბსოლუტურად ამომწურავი, დამაჯერებელი და კონკრეტული არგუმენტებით და ფაქტებით გამყარებული პასუხები მივიღეთ მისგან. ამან კიდევ ერთხელ დაგვარწმუნა, რომ ამ არჩევნების ხელმძღვანელობით მაქსიმალური გაკეთდა იმისთვის, რომ ეს არჩევნები ჩატარებულიყო თავისუფალ და კონკურენტუნარიან გარემოში და სწორედ ასეთი შეფასებები მივიღეთ ჩვენი საერთაშორისო პარტნიორების მხრიდან ”,- განაცხადა მიქანაძემ.
არჩევნების შემსწავლელი დროებითი საგამოძიებო კომისიის მომდევნო სხდომა 29 ივნისს 12:00 საათზე უნდა გაიმართოს.
შეგახსენებთ, რომ კომისიის სხდომაზე დღეს ცენტრალური საარჩევნო კომისიის თავმჯდომარეს, თამარ ჟვანის მოუსმინეს.
