თბილისის მერის, კახა კალაძის განცხადებით, თბილისის ზღვის აუზისა და მიმდებარე ტერიტორიის მაშტაბური ჰიდროლოგიური კვლევა განხორციელდა.
მისივე განმარტებით, კვლევის მიზანია, თბილისის ზღვის სანიტარული დაცვის ზონების განსაზღვრა.
„ეს არის კვლევა, რომელიც აქამდე არასდროს გაკეთებულა. ვფიქრობ, ჩვენი ქალაქისთვის მნიშვნელოვანი იყო ამ კვლევის ჩატარება. იცით, რომ ძალიან ბევრი კერძო საკუთრებებია თბილისის ზღვის ირგვლივ, შესაბამისად სანიტარული ზომების განსაზღვრა ძალიან მნიშველოვანია. მოგეხსენებათ, თბილისის დიდი ნაწილი მარაგდება ამ აუზის სასმელი წყლით, ამიტომ შეიზღუდა ისეთი საქმიანობა, რომელიც გამოიწვევს წყლის დაბინძურებას“, – განაცხადა კალაძემ.
