თბილისში 32 წლის მამაკაცს ზურგის და ყელის არეში სასიკვდილო ჭრილობები მიაყენეს. სიტყვიერი დაპირისპირება ფიზიკურ ანგარიშსწორებაში გადაიზარდა, რა დროსაც უცნობმა პირმა, კახაბერ თეგეტაშვილი დაჭრა. გავრცელებული ცნობით, ის ყოფილი პოლიციელია და სავარაუდოდ, მკვლელს არ იცნობდა.

დაჭრილი საავადმყოფოში მიყვანამდე გარდაიცვალა.

პოლიციის ცნობით მკვლელობა ცხელ კვალზე გაიხსნა. თბილისის პოლიციის დეპარტამენტის თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1992 წელს დაბადებული თ.ი. განზრახ მკვლელობის ბრალდებით, ცხელ კვალზე, თბილისში დააკავეს.

დანაშაული 7-დან 15 წლამდე ვადით თავისუფლების აღკვეთას ითვალისწინებს.

„გამოძიებით დადგინდა, რომ ბრალდებულმა მიმდინარე წლის 19 ივლისს, ურთიერთშელაპარაკების ნიადაგზე, 1988 დაბადებულ კ.თ.-ს ცივი იარაღით ზურგის არეში ჭრილობა მიაყენა. დაჭრილი საავადმყოფოში მიყვანის შემდეგ გარდაიცვალა.

გამოძიება საქართველოს სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს,”- ნათქვამია შსს-ს განცხადებაში.