სემეკის გადაწყვეტილებით, თბილისში წყლის ტარიფი იზრდება. გამრიცხველიანებული აბონენტებისთვის გადასახადი 1მ³-ზე დაახლოებით, 17 თეთრით, ხოლო გაუმრიცხველიანებლებისთვის ერთ სულზე დაახლოებით 63 თეთრით იზრდება.
რაც შეეხება არასაყოფაცხოვრებო სექტორს, ამ შემთხვევაში წყლის ტარიფი დაახლოებით ორი თეთრით მცირდება.
ენერგეტიკისა და წყალმომარაგების მარეგულირებელი ეროვნული კომისიის დადგენილების თანახმად, მრიცხველის მქონე მოსახლეობისთვის წყლის ტარიფი 1მ³ – 0.50 ლარი იქნება, უმრიცხველო მოხმარებისას (ფიქსირებული) კი ერთ სულზე 4.518 ლარი/
რაც შეეხება არასაყოფაცხოვრებო სექტორს (ორგანიზაციები და კომერციული სექტორი) 1მ³-ის ღირებულება 6.503 ლარი იქნება. შპს „ჯორჯიან უოთერ ენდ ფაუერის“ დღეს მოქმედი ტარიფები ასეთია: მრიცხველის მქონე მოსახლეობისთვის 1მ³ – 0.329 ლარი, უმრიცხველო მოხმარებისას (ფიქსირებული) 1 სულზე – 3.89 ლარი, ხოლო არასაყოფაცხოვრებო სექტორისთვის (ორგანიზაციები და კომერციული სექტორი) 1მ3 – 4.4 ლარი.
ახალი ტარიფები ძალაში 2021 წლის პირველი იანვრიდან შევა და 2023 წლის 31 დეკემბრის ჩათვლით იმოქმედებს.
