თელავის მუნიციპალიტეტის სოფელ აკურის მოსახლეობის ნაწილმა თელავი-თბილისის ცენტრალური მაგისტრალი გადაკეტა.
ადგილობრივი მოსახლეობა ყურძნის მოსავლის ჩაბარებას ითხოვს.
აკურელების განმარტებით, ერთ- ერთმა ადგილობრივმა, ზვიად მანასაროვმა, ყურძენი დაკრიფა და ვერცერთ ქარხანაში ვერ ჩააბარა.
ადგილობრივები ამბობენ, რომ მევენახეების ნაწილი მოსავლის დაკრეფას არც აპირებს.
აქციის მიმდინარეობისას, ზვიად მანასაროვი შეუძლოდ გახდა, რის გამოც სასწრაფო-სამედიცინო დახმარების ბრიგადამ, ის , თელავის რაიონულ საავადმყოფოში გადაიყვანა.
კახეთში რთველი 2020- ის შტაბის წარმომადგენლის, ბესო სულაქველიძის განმარტებით, მევენახეებისათვის ყურძნის მიმღები ქარხნები, კარგადაა ცნობილი.
მათ იციან, რომ სამი ქარხანა იბარებს ყურძენს. კონკრეტულად მანასაროვი, შტაბიდან გრუზვინპრომში გააგზავნეს- განაცხადა სულაქველიძემ.
ამ წუთისათვის თელავი-თბილისის ცენტრალურ მაგისტრალზე, ტრანსპორტის გადაადგილება აღდგენილია.
ავტორი: ხათუნა გულიაშვილი
