თელავში წრიული მარშუტით მოძრავი სამარშუტო ტაქსებით მგზავრობა 30 თეთრით გაძვირდა. მომსახურების საფასური, მძღოლებმა კირონავირუსის გამო დაწესებული შეზღუდვების პარალელურად გაზარდეს.

„საწვავი გაიაფდა და ამათ მგზავრობა გააძვირეს. აქამდე 70 თეთრს ვიხდიდით, ახლა უკვე ერთი მგზავრი ერთი ლარი ღირს. ყველაფერი ხალხის კისერზე გადადის. საიდან მოგვაქვს ეს ერთი ლარი, არავის აინტერესებს. დღეში ხან ორჯერ მჭირდება წასვლ- მოსვლა და ეზ ჩემი პენსიის პატრონისთვის, უკვე დიდი თანხა“, – განაცხადა „პრაიმტაიმნიუსთან“ თელავის მცხოვრებმა, მურად ზაალიშვილმა.

წრიულ მარშუტზე მოძრავი ტაქსების მფლობელები, მომსახურების ტარიფის მატებას, ქვეყანაში მიმდინარე ეკონომიკური პროცესებით ხსნიან.

„საწვავი კი გაიაფდა, მაგრამ ერთ ლარს რაღა შეუძლია, პურსაც ვეღარ მიიტანს კაცი სახლში. დღეში 15-20 ლარზე მეტს ვერ ვშოულობთ, ფაქტიურად ლუკმა-პურზე გამოვდივართ“, – თქვა ერთ-ერთმა მძღოლმა.

წრიული მარშრუტი, თელავის რკინიგზის სადგურისა და თელავის აგრარული ბაზრის მიმართულებას მოიცავს და დღის განმავლობაში ასობით მგზავრი გადაადგილდება.

ათი თეთრით გაიზარდა, სამარშუტო ავტობუსების ღირებულება, თელავის მუნიციპალიტეტის სოფლების მიმართულებით და ის 60 თეთრი ღირს.

ოთხ ლარამდეა გაზრდილი კერძო ტაქსების მომსახურება ქალაქ თელავის სხვადასხვა უბნებისკენაც.

ავტორი: ხათუნა გულიაშვილი