თელავში სამოქალაქო აქტივისტებმა თეატრის მიმდებარე ტერიტორიიდან პოლიციის შენობასთან გადაინაცვლეს, სადაც მათ კარავი გაშალეს. აქტივისტები ხელმძღვანელ პირთან შეხვედრას ითხოვდნენ. მათ სამართალდამცველებმა კარავის აღება მოსთხოვეს, რასაც მათ შორის სიტყვიერი და ფიზიკური დაპირისპირება მოჰყვა.
მსვლელობის მონაწილეებმა, თელავის თეატრის წინ განთავსებულ კარავში, ჯერ დაუდგენელი პირების ავტომანქანით შეჭრა გააპროტეს და ფაქტის გამოძიება მოითხოვეს. აქტივისტებს მხარდამჭერები თბილისიდანაც შეუერთდნენ.
„თელავი დღეიდან იქნება პროტესტის ცენტრი, იქამდე ვიდრე დამანშავები არ დაისჯებიან. ჩვე ჩვენის მხრივ მოვახდინეთ იდენტიფიცირება დამნაშავე პირების და მოვითხოვთ მათ დასჯას- განაცხადა ერთ-ერთმა აქტივისტმა გიგა ნარსიამ.
ინციდენტი თელავში 1 იანვარს მოხდა. ამ დროისთვის ჯერ კიდევ დაუდგენელმა პირებმა, კარავში მსუბუქი ავტომანქანით შეჭრა სცადეს. შემთხვევის შედეგად, არავინ დაშავებულა.
თითქმის ერთი თვეა სამოქალაქო აქტივისტები თელავში თეატრის წინ კარვებში იმყოფებიან.ისინი 31 ოქტომბრის საპარლამენტო არჩევნების შედეგებს აპროტესტებენ და ხელახალ არჩევნებს ითხოვენ.
ავტორი: ხათუნა გულიაშვილი
