მოხდა გადათვლა სპეციალური ფორმულების მიხედვით და ვარაუდობენ, რომ დღეს საქართველოში არსებული შემთხვევების 10% მოდის ინდურ შტამზე, – ამის შესახებ ინფექციური საავადმყოფოს ხელმძღვანელმა თენგიზ ცერცვაძემ განაცხადა.
მისი თქმით, ინდური შტამი უფრო სწრაფად ვრცელდება, ვიდრე სტანდარტული ჩინური შტამი.
“მოხდა გადათვლა სპეციალური ფორმულების მიხედვით და ვარაუდობენ, რომ დღეს საქართველოში არსებული შემთხვევების 10% მოდის ინდურ შტამზე. რაც შეეხება იმას, გახდება თუ არა დომინანტური ინდური შტამი, არ ვიცით, ჯერჯერობით ბრიტანული შტამია დომინანტური.
რითაც განსხვავდება ინდური შტამი, ეს არის უფრო იოლი გადადების და უფრო სწრაფი გავრცელების უნარი. ის ცალსახად უფრო სწრაფად ვრცელდება, ვიდრე სტანდარტული ჩინური შტამი და ბოლო კვლევებით, უფრო სწრაფად ვრცელდება ვიდრე ბრიტანული შტამი”, – განაცხადა ცერცვაძემ.
ცნობისთვის, ინდური შტამი საქართველოში პირველად 27 მაისს დადასტურდა.
ასევე ნახეთ: ადამიანი აცრილი თუ არ არის, სახლში არ ვუშვებ – როგორ იცავდა თავს კორონავირუსისგან გიორგი ფხაკაძე (ვიდეო)
