„ნაციონალური მოძრაობის“ ლიდერი თინა ბოკუჩავა წინასაარჩევნოდ, „ნაციონალურ მოძრაობასა“ და „ევროპულ საქართველოს“ შორის მოლაპარაკებებს ეხმაურება, რომელიც გუბაზ სანიკიძის ინფორმაციით, ჩაიშალა.
„გუშინდელ ეთერში გუბაზ სანიკიძემ ისაუბრა კონკრეტულ შეთავაზებებზე, რომლებსაც მე ნამდვილად ვერ დაგიდასტურებთ. ჩემთვის ცხადია ის მარტივი ჭეშმარიტება, რომელზეც მიხეილ სააკაშვილი, მათ შორის საჯაროდაც საუბრობდა.
აღნიშნული შეთავაზება შემდეგში მდგომარეობს – მიხეილ სააკაშვილის შეთავაზება იყო ერთიანი ოპოზიციური სია, სადაც შევიდოდა ოპოზიციის ყველა წარმომადგენელი და შეიქმნებოდა ერთიანი ფრონტის ხაზი ბიძინა ივანიშვილის რეჟიმის წინააღმდეგ ამ საარჩევნო პროცესში, მაგრამ სამწუხაროდ, აღნიშნული შეთავაზება ძირითადად ერთი პოლიტიკური ძალის ძალისხმევით არ შედგა“, – განაცხადა ბოკუჩავამ.
კითხვაზე, თუ რა ინტერესი შეიძლება ჰქონოდა „ევროპულ საქართველოს“ შეთავაზებასთან დაკავშირებით, ბოკუჩავას განცხადებით, შესაძლოა ხმების მაქსიმალიზაცია ყოფილიყო.
„იცით, რა? ერთნიშნა რეიტინგისთვის განწირული პარტიებისთვის, რა თქმა უნდა, ინტერესი შეიძლება ყოფილიყო ძალიან მაღალი და ეს ინტერესი უნდა ყოფილიყო მათი ხმების მაქსიმალიზაცია, ოპოზიციური ხმების მაქსიმალიზაციის ფონზე, რადგან ამ შემთხვევაში იქნებოდა ერთი საერთო ფრონტი და ისინიც პოზიციებს მეტად გაიმყარებდნენ, ვიდრე ამას შეძლებენ ინდივიდუალური პარტიის როლში ამ არჩევნებში“, – განაცხადა ბოკუჩავამ.
შეგახსენებთ, რომ გუშინ გუბაზ სანიკიძემ „ტვ პირველის“ ეთერში, განაცხადა რომ „ნაციონალურ მოძრაობასა“ და „ევროპულ საქართველოს“ შორის მოლაპარაკები მიმდინარეობდა, თუმცა ჩაიშალა. ამავე ეთერში, ინფორმაცია დაადასტურა „ევროპული საქართველოს“ წევრმა აკაკი ბობოხიძემ.
გუბაზ სანიკიძეს წარსული გაახსენეს – „სააკაშვილი საკუთარ წარმომავლობას მალავს“
