თბილისის ინფექციური საავადმყოფოს დირექტორმა აჭარის ტელევიზიის ეთერში, ვახო ხუზმიაშვილის გადაცემა „თავისუფალ სივრცეში“ სტუმრობისას განაცხადა, რომ აჭარის მთავრობის ხელმძღვანელი რეგიონში COVID-19-თან ბრძოლას ეფექტურად უძღვება.
„საქართველომ უკვე შეიძინა კოვიდთან ბრძოლის ძალიან სოლიდური გამოცდილება. ძალიან სერიოზული ძალები მუშაობენ ქვეყანაში, როგორც ეპიდემიოლოგიური, ისე სახელისუფლებო ვერტიკალის და კლინიცისტების მხრიდანაც. განსაკუთრებით აჭარაში სერიოზული საქმიანობაა გაშლილი. რამდენადაც ვიცით, მთელ არ საპასუხო ღონისძიებებს ხელმძღვანელობს აჭარის მთავრობა ბატონი თორნიკე რიჟვაძის ხელმძღვანელობით, რომელიც ძალიან ეფექტურად ახდენს კრიზისული მდგომარეობის მენეჯმენტს“, – განაცხადა თენგიზ ცერცვაძემ.
მისივე თქმით, აჭარის რეგიონში ადგილობრივ ინფექციონისტებს ხვალიდან თბილისიდან ჩასული ინფექციური საავადმყოფოს სპეციალისტებიც დაეხმარებიან.
„აჭარაში მუდმივად არიან დასახმარებლად დაავადებათა კონტროლის ეროვნული ცენტრის თანამშრომლები. ასევე, ხვალ რეგიონში ჩამოდიან ძალიან გამოცდილი და წამყვანი სპეციალისტები ინფექციური საავადმყოფოდან, რათა ბათუმელ კოლეგებთან ერთად მოახდინონ ამ მრავალრიცხოვანი აქტიური შემთხვევების მენეჯმენტი, რათა მინიმალური იყოს დანაკარგი და პაციენტთა რაც შეიძლება მეტი რაოდენობა გამოჯანმრთელდეს უმოკლეს დროში“, – აღნიშნა ცერცვაძემ.
თენგიზ ცერცვაძის გაცხადებით, შეზღუდვების მკაცრ ზომებს ქვეყანა მიმართავს მხოლოდ უკიდურეს შემთხვევაში, თუ ინფექცია გახდა უკონტროლო, თუმცა თბილისის ინფექციური საავადმყოფოს დირექტორი იმედოვნებს, რომ ასე არ მოხდება.
„აჭარის მთავრობის თავმჯდომარე თორნიკე რიჟვაძე ეფექტურად უძღვება
„აჭარის მთავრობის თავმჯდომარე თორნიკე რიჟვაძე ძალიან ეფექტურად უძღვება შექმნილ ვითარებას და მართავს კრიზისს“- განაცხადა თბილისის ინფექციური საავადმყოფოს დირექტორმა თენგიზ ცერცვაძემ აჭარის საზოგადოებრივი მაუწყებლის ეთერში, ვახო ხუზმიაშვილის საავტორო გადაცემა „თავისუფალ სივრცეში“.
Posted by აჭარის ტელევიზია • Ajara TV – საზოგადოებრივი მაუწყებელი on ორშაბათი, 21 სექტემბერი, 2020
