„მრავალპარტიული გახადეს ხელმომწერებმა უკვე პარლამენტი, ბოიკოტს დაუკარგეს აზრი, ამიტომ ახლა ჩვენ ნამდვილად არ დავასხამთ ხელისუფლების წისქვილზე წყალს და ამ კომფორტის ზონიდან გამოვიყვანთ, თქვენ ნახეთ როგორი მწვავე იყო დღეს სხდომა, ზუსტად ამიტომ შემოვედით“,- ამის შესახებ „კანონი და სამართალის“ ლიდერმა, თაკო ჩარკვიანმა განაცხადა.
როგორც ჩარკვიანი ამბობს, ოპოზიცია ბოლომდე მოიკოტის რეჟიმში უნდა დარჩენილიყო.
„ვერ მოითმინეს და როგორც მე ვამბობ ხოლმე – შესხდნენ, ეს იყო პოლიტიკური შეცდომა, ახლა ძალიან გვიან არის ამაზე საუბარი, ამიტომ იმ პოლიტიკური მოცემულობიდან გამომდინარე, რაც მათ მოგვაწოდეს, მივიღეთ ფრიად სამწუხარო გადაწყვეტილება, ბოლომდე იმ აზრზე ვარ, რომ ბოლომდე უნდა დავრჩენილიყავით ბოიკოტის რეჟიმში და ჩვენ უკვე ხელში გვექნებოდა აუცილებლად რეფორმირებული ვადამდელი არჩევნები, მაგრამ სრულიად სხვა ვითარება შექმნეს, ამიტომ დარჩენილი პოლიტიკური სპექტრი იძულებული გახდა უკვე პარლამენტში შემოსულიყო და აქ შეგვექმნა მათთვის დისკომფორტი,”- განაცხადა ჩარკვიანმა.
