2020 წელში ვართ, არჩევნების მოპარვა ანაქრონიზმია, – ამის შესახებ საქართველოს მესამე პრეზიდენტმა, მიხეილ სააკაშვილმა “მთავარი არხის” ეთერში განაცხადა.
სააკაშვილის თქმით, თუ ქართველი ერი არჩევნების “მოპარვას” შეეგუება, მაშინ აღმოჩნდება, რომ ქართველები ღირსების მატარებელი ხალხი არა ვართ.
“ამ ტიპმა მოგვპარა არჩევნები. აღარ მოსულა არჩევნების მოპარვა 2020 წელს, ნუ, უბრალოდ, ძალიან ბანძი რაღაცა არი რა. თუ ჩვენ ამაზე ვაწერთ ხელს, ვაწერთ ხელს იმაზე, რომ ყველანი ბანძები ვართ და ხო არა ვართ, ვართ ღირსების მატარებელი ხალხი”, – განაცხადა მიხეილ სააკაშვილმა.
შეგახსენებთ, 2020 წლის 31 ოქტომბრის საპარლამენტო არჩევნების შედეგებს ოპოზიცია არ აღიარებს და პარლამენტს ბოიკოტს უცხადებს.
ოპოზიციამ ბოიკოტი გამოუცხადა ასევე 21 ნოემბერს, 17 მაჟორიტარულ ოლქში გამართულ არჩევნების მეორე ტურს და მასში მონაწილეობა არ მიიღო.
