შინაგან საქმეთა მინისტრის მოდგილის ალექსანდრე დარახველიძის განცხადებით, ოპოზიციონერი გიგი უგულავა, შესაძლოა, კარანტინის წესების დარღვევის გამო, დაჯარიმდეს.
“რაც შეეხება გიგი უგულავას, თუ მან დაარღვია კარანტინის წესები, თავისუფლად დაჯარიმდება ამისთვის,”- განაცხადა დარახველიძემ.
ცნობისათვის, გიგი უგულავას, რომელიც გუშინ აქციაზე იმყოფებოდა, დაახლოებით ერთი კვირის წინ კოვიდი დაუდასტურდა. გიგი უგულავას განცხადებით, აქციაზე გასვლამდე მან ტესტი ჩაიტარა, რომელმაც უარყოფითი პასუხი აჩვენა, ხოლო აქციაზე მისვლა ექიმთან კონსულტაციის შემდეგ გადაწყვიტა.
