მესმის, რომ 300 ლარს 1000 ლარი სჯობს, მაგრამ ეს არის ის, რისი გაღებაც ამ რთულ ვითარებაში შეგვიძლია,- ამის შესახებ მთავრობის სხდომის შემდეგ გამართულ ბრიფინგზე ეკონომიკის მინისტრმა, ნათია თურნავამ განაცხადა.
„შეგახსენებთ, რომ ეს შეზღუდვა მალე გაუქმდება და ადამიანები მალე დაუბრუნდებიან სამუშაო ადგილებს. გარდა ამისა, ვაჭრობის სექტორი იმდენად აქტიურად ითხოვს გახსნას, რომ არა მგონია, ამ სამუშაო ადგილებს რამე დაემუქროს. რა თქმა უნდა, ეს სამუშაო ადგილები აღდგება და სანამ შეზღუდვები მოქმედებს, ეს ადამიანები 300 ლარს მიიღებენ. მესმის, რომ 300 ლარს 1000 ლარი სჯობს, მაგრამ ეს არის ის, რისი გაღებაც შეგვიძლია“, – განაცხადა თურნავამ.
