შემოსავლების სამსახურის მიერ გავრცელებული ინფორმაციის მიხედვით, საქართველოში თურქეთიდან 25 000 კილოგრამი დაავადებული კარტოფილი შემოვიდა.

„საბაჟო დეპარტამენტის სანიტარიული, ფიტოსანიტარიული და ვეტერინარული კონტროლის სამმართველოს თანამშრომლების მიერ, ფიტოსანიტარიული პროცედურების განხორციელებისას, კვლევისთვის აღებულ ნიმუშში, კარტოფილის საკარანტინო მავნე ორგანიზმის, კერძოდ — კარტოფილის კიბოს (Synchytrium endobioticum) არსებობა დადასტურდა.

საქართველოს მთავრობის N463 დადგენილების თანახმად, დაავადებული საქონელი უკან, ექსპორტიორ ქვეყანაში გაბრუნებას დაექვემდებარა.“, – ნათქვამია უწყების მიერ გავრცელებულ განცხადებაში.

რა არის მცენარის კიბო – ამ კითხვაზე ვრცელი განმარტება შეგიძლიათ ნახოთ ამ ბმულზე.