კორონავირუსით ინფიცირების შემთხვევათა ზრდის გამო თურქეთში საზოგადოებრივი ტრანსპორტით მგზავრობისას ფეხზე დგომა აიკრძალა. ამის შესახებ ქვეყნის პრეზიდენტმა რეჯეფ ტაიპ ერდოღანმა განაცხადა.
მანამდე თურქეთის ჯანდაცვის მინისტრმა დაადასტურა, რომ ქვეყანაში პანდემიის მეორე ტალღამ პიკს მიაღწია.
„ჩვენ ვაკვირდებით ინფიცირების შემთხვევათა ზრდას. ამის გამო პანდემიის წინააღმდეგ ზომები მკაცრდება. უფრო მეტად გაკონტროლდება კაფეები და რესტორნები. არ დაიშვება ფეხზე დგომით მგზავრობა საზოგადოებრივ ტრანსპორტში“ – განაცხადა ერდოღანმა ანკარაში გამოსვლისას.
მისივე განმარტებით, მოქალაქეები, რომლებიც არ ატარებენ პირბადეს და არ იცავენ დისტანციას, აუცილებლად დაჯარიმდებიან.
