„მზად ვარ, გარდამავალ პერიოდში ქვეყანას სათავეში ჩავუდგე“,- ამის შესახებ ბელარუსის ოპოზიციის ლიდერმა, სვეტლანა ტიხანოვსკაიამ განაცხადა. ინფორმაციას TASS-ი ავრცელებს.
„წნეხისა და პროტესტის ეტაპს აუცილებლად მოჰყვება დიალოგის ეტაპი. ბევრი მეკითხება, მზად ვარ თუ არა ლიდერი ვიყო ამ მომენტში. ოფიციალურად ვაცხადებ, რომ მზად ვარ, გარდამავალ პერიოდში ქვეყანას სათავეში ჩავუდგე“, – განაცხადა სვეტლანა ტიხანოვსკაიამ.
ბელარუსის ოპოზიციის ლიდერის თქმით, ის ახალი გამჭვირვალე არჩევნების ჩასატარებლად პირობებს ამზადებს.
შეგახსენებთ, რომ საპროტესტო გამოსვლები ბელარუსში 9 აგვისტოდან გრძელდება, მას შემდეგ რაც საპრეზიდენტო არჩევნებში ალექსანდრ ლუკაშენკოს გამარჯვების შესახებ განაცხადეს. ყველაზე მასობრივი დემონსტრაციები კვრაობით იმართება.
