ბელარუსის ოპოზიციის ლიდერმა, სვეტლანა ციხანოვსკაიამ განაცხადა, რომ დღეიდან ბელარუსში საყოველთაო გაფიცვა იწყება. ინფორმაციას DW ავრცელებს.
მისი თქმით, ბელარუსებმა აჩვენეს, რომ მშვიდობიანი პროტესტი მუდმივი შემოქმედებითი ძალაა.
„ქვეყნის მასშტაბით გაფიცვა 26 ოქტომბერს დაიწყება. ბელარუსები ამ ნაბიჯს გადადგამენ, რადგან მათი სიტყვა კანონია. კანონი, რომლის მოკვლასაც ცდილობდნენ, მაგრამ ჩვენ ნამდვილად დავიბრუნებთ მას. ჩვენი მთავარი მშვიდობიანი იარაღი – სოლიდარობა დაგვეხმარება ამაში“, – განაცხადა ციხანოვსკაიამ.
შეგახსენებთ, რომ 13 ოქტომბერს ბელარუსის ოპოზიციის ლიდერმა, სვეტლანა ტიხანოვსკაიამ ლუკაშენკოს სახალხო ულტიმატუმი წაუყენა, რომლის ვადაც გუშინ ამოიწურა.
