ტინი კოქსთან მიმართებით მიხეილ სააკაშვილის განცხადებას ვეთანხმები, – ამის შესახებ პარტია “ლელოს” ლიდერმა, ფიქრია ჩიხლაძემ განაცხადა.
„საერთოდ არ ვთვლი, რომ ყოველდღე მიხეილ სააკაშვილის გამონათქვამები უნდა შევაფასო, მაგრამ ბატონ კოქსთან მიმართებით ეს ის უიშვიათესი შემთხვევაა, როდესაც ბატონ მიხეილ სააკაშვილის განცხადებას ვეთანხმები. სამწუხაროდ, ეს ადამიანი ცნობილია რუსეთთან ძალიან ახლო ურთიერთობებით და მაღალი ღირებულებებით არ გამოირჩეოდა”, – განაცხადა ფიქრია ჩიხლაძემ.
ფიქრია ჩიხლაძემ ასევე აღნიშნა, რომ ევროპელობა უცდომელობას არ ნიშნავს და გამონაკლისებიც ყველგანაა, ტონი კოქსი კი, როგორც ჩიხლაძე ამბობს, ერთ-ერთი გამონაკლისია, რომელიც ევროსაბჭოში მაღალ სტანდარტს ვერ ინარჩუნებდა და რუსეთთან ახლო ურთიერთობებითაა ცნობილი.
“ევროპელობა თავისთავად არ ნიშნავს, რომ საქმე უცდომელობასთან გვაქვს, ჩვენთვის, რა თქმა უნდა, ევროპარლამენტი, ევროკავშირი, თუ ევროსაბჭო საერთაშორისო ურთიერთობებში უმაღლეს ორგანოებს წარმოადგენს, მაგრამ ყველგან არის თითოეული გამონაკლისი, სადაც ეს მაღალი სტანდარტები შესაძლოა, შენარჩუნებული არ იყოს და ეს ის იშვიათი შემთხვევაა, როდესაც ბატონ მიხეილის შეფასებას ვეთანხმები. ჩვენ ევროპელებთან და ჩვენს პარტნიორებთან გვექნება ძალიან მჭიდრო ურთიერთობა, სწორედ დემოკრატიის და სახელმწიფოს წინსვლის საკითხებში“, – განაცხადა ფიქრია ჩიხრაძემ.
შეგახსენებთ, დეპუტატი ტონი კოქსი ევროსაბჭოს საპარლამენტო დელეგაციას ხელმძღვანელობდა და საქართველოში 31 ოქტომბრის საპარლამენტო არჩევნებს აკვირდებოდა.
საქართველოს მესამე პრეზიდენტმა, მიხეილ სააკაშვილმა, ტონი კოქსს „ეფესბეს“ აგენტი მას შემდეგ უწოდა, რაც დეპუტატმა საქართველოში ჩატარებული არჩევნები დადებითად შეაფასა.
