წალკაში ბიზნესმენ ჯონ ედვარ ფადნის ოჯახი დააყაჩაღეს.
ოჯახის წევრებს, მათ შორის მცირეწლოვან ბავშვებს ხელ-ფეხი შეუკრეს, დააბეს და ოჯახიდან ავტომანქანა, ფული, კომპიუტერი და ტელეფონები წაიღეს.
„ორი ადამიანი იყო და ჰქონდათ ერთი იარაღი. შავი პირბადეები ეკეთათ, რომელიც მხოლოდ სახის ნაწილს უფარავდათ. როგორც დაყაჩაღებული ოჯახი ამბობს, ყაჩაღები ისე შევიდნენ ოჯახში თითქოს სტუმრები იყვნენ, შემდეგ კი ამოიღეს იარაღი. ოჯახის ყველა წევრს ხელ-ფეხი შეუკრეს, დააბეს და წაართვეს ფული, ავტომანქანა, ტელეფონები და კომპიუტერი. ამ დროისთვის ავტომანქანა ნაპოვნია”, – ამბობს მერის წარმომადგენელი „ნეტგაზეთთან“ საუბრისას.
როგორც ზვიად ხაფავა ამბობს, უცხოელი ოჯახი სამი წელია, რაც წალკაში დასახლდა. და მეურნეობა აქვთ.
შინაგან საქმეთა სამინისტროში მომხდართან დაკავშირებით კომენტარს ჯერჯერობით, არ აკეთებენ..
ამ წუთებში ადგილზე პოლიცია და კრიმინალისტები მუშაობენ.
