უსაფრთხოა თუ არა კორონავირუსის პანდემიის პერიოდში სპორტული დარბაზები და საცურაო აუზები. ამის შესახებ თბილისის ინფექციური საავადმყოფოს ხელმძღვანელმა, თენგიზ ცერცვაძემ განაცხადა.
„ყოველი ახალი რეგულაციის მოხსნა საზოგადოებისთვის არის საფრთხის შემცველი. მათ შორის რისკებს შეიცავს სავარჯიშო და საცურაო სივრცეების ამოქმედება, მაგრამ რისკი მინიმალურია. ბევრად უფრო სახიფათო თავშეყრის ადგილები, ქორწილები და ქელეხებია“, – განაცხადა ცერცვაძემ „ქრონიკასთან“ საუბარში.
ამ დროისთვის, სპორტდარბაზები და საცურაო აუზები ჯერ კიდევ კი დაკეტილია.
სპორტდარბაზების გახსნის მოთხოვნით, მწვრთნელებმა მთავრობის კანცელარიასთან აქცია რამდენჯერმე გამართეს.
