სასწავლო წლის დასრულებასთან ერთად სკოლებში ბოლო ზარის და ბანკეტის ჩატარების შესახებ არსებული თემები ნელ-ნელა პოპულალური ხდება.
საქართველოს განათლებისა და მეცნიერების სამინისტრომ 17 მაისს სკოლებს გადაუგზავნა რეკომენდაციები, რომელიც, ბოლო ზარის, ექსკურსიებისა და ბანკეტების ჩატარებას უკავშირდება.
EDU.ARIS.GE ერთ-ერთ სკოლასთან საუბრის შემდეგ რეკომენაციებს აქვეყნებს, თუ როგორ შეიძლება ჩატარდეს წლის ბოლოს აღნიშნული ღონისძიებები.
ნახეთ სრულად, რა გადაწყვიტა დღეს საკოორდინაციო საბჭომ – შეზღუდვები, რომელთა შემსუბუქებას საქართველოში დიდი ხანია ელოდნენ
სამინისტროს დასაშვებად მიაჩნია, ბოლო ზარის ღონისძიება ჩატარდეს სკოლის ტერიტორიაზე, უცხო პირთა დასწრების გარეშე. ამასთან, სასურველია მოსწავლეებთან გამოსამშვიდობებელი ღონისძიება ჩატარდეს ღია სივრცეში, თუ სკოლას ამის შესაძლებლობა ექნება.
„სამინისტროდან მიღებული ბოლო ინფორმაციის საფუძველზე, გაცნობებთ, რომ ქვეყანაში არსებული ახალი კორონავირუსით გამოწვეული პანდემიის პირობებში, ამ ეტაპზე არსებული ეპიდემიოლოგიური ვითარების გათვალისწინებით, სამინისტროს დასაშვებად მიაჩნია, მე-12 კლასის მოსწავლეთათვის, სკოლის ტერიტორიაზე, უცხო პირთა დასწრების გარეშე, მხოლოდ მე-12 კლასის მოსწავლეებისა და სკოლის მასწავლებლების მონაწილეობით, ჩატარდეს ბოლო ზარისადმი მიძღვნილი ღონისძიება”, – აღნიშნულია წერილში.
„მოემზადეთ, მეოთხე ტალღას ვერ ავცდებით“ – ფხაკაძის უახლესი პროგნოზი
რაც შეეხება ბანკეტებს და ექსკურსიებს. საბჭომ არ ჩათვალა მიზანშეწონილად დაორგანიზდეს ექსკურსიები და ბანკეტები.
“ასევე გაცნობებთ, რომ პანდემიის პირობებში ქვეყანაში შექმნილი ეპიდემიოლოგიური მდგომარეობის გათვალისწინებით, საკოორდინაციო საბჭოს სხდომაზე განხილვისას არ ჩაითვალა მიზანშეწონილად სკოლის/მშობლების მიერ დაორგანიზდეს და განხორციელდეს მოსწავლეთა ჯგუფური გასვლითი აქტივობები, მათ შორის ექსკურსიები და ბანკეტები”,- წერია რეკომენდაციებში.
