ცენტრალური საარჩევნო კომისიის ინფორმაციით, დათვლილია ხმების 100% და გლდანის ოლქში „ნაციონალური მოძრაობის“ კანდიდატი, ნიკა მელია ლიდერობს. მცირედი სხვაობით მას „ქართული ოცნების“ კანდიდატი, ლევან კობიაშვილი მოყვება. არცერთ კანდიდატს არ აქვს ხმების 50%-ზე მეტი, შესაბამისად, გლდანში მეორე ტური გაიმრთება.

ხმები ასე გადანაწილდა:

• ნიკა მელია — 43,88%;
• ლევან კობიაშვილი — 42,69%

ისნის მაჟორიტარულ ოლქში მეორე ტურისთვის „ქართული ოცნების“ კანდიდატი, კახა კახიშვილი და „ნაციონალური მოძრაობის“ კანდიდატი, ხატია დეკანოიძე იბრძოლებენ. ცესკომ ამ ოლქში ხმების 100% უკვე დათვალა. შედეგებით მესამე ადგილზეა სტრატეგია „აღმაშენებლის“ ლიდერი, გიორგი ვაშაძე.

შედეგები ასე გადანაწილდა:

• კახა კახიშვილი – 46,72%
• ხატია დეკანოიძე – 27,23%
• გიორგი ვაშაძე – 13,77%

ცენტრალური საარჩევნო კომისიის განახლებული შედეგებით, მეორე ტურში ზურა ჯაფარიძე გადადის და არა ანა დოლიძე. რამდენიმე წუთის წინ ცესკოს ვებგვერდზე გამოქვეყნებული შედეგების მიხედვით, დათვლილი იყო ხმების 100%, თუმცა 9 ხმით, ანა დოლიძე ლიდერობდა და ზურა ჯაფარიძე მეორე ტურში ვერ გადადიოდა. როგორც ცესკოში განმარტავენ, ცვლილებები, შესაძლოა, ოქმებში შესწორებების გამო შევიდა და მოსალოდნელია, რომ ეს მონაცემებიც შეიცვალოს.

20:54 სათისთვის ცესკოს ვებგვერდზე გამოქვეყნებული მონაცემებით,

• გია ვოლსკი – 42,69% ანუ 29 414 ხმა.
• ზურა ჯაფარიძე – 21,09% ანუ 14 529 ხმა,
• ანა დოლიძე – 20,96% ანუ 14 438. მათ შორის სხვაობა 91 ხმა არის.

ცენტრალური საარჩევნო კომისიის ინფორმაციით, დათვლილია ხმების 100% და რუსთავის მაჟორიტარულ ოლქში მეორე ტური გაიმართება:

• ნინო ლაცაბიძე – 47,37%;
• დავით კირკიტაძე – 32,6%

ცენტრალური საარჩევნო კომისიის ინფორმაციით, დათვლილია ხმების 100% და ზუგდიდის მაჟორიტარულ ოლქში მეორე ტური გაიმართება. ხმები ასე გადანაწილდა:

• ირაკლი ჩიქოვანი – 47,91%;
• მალხაზ ჯალაღონია – 36,95%.

ნაძალადევის მაჟორიტარულ ოლქში ქართული ოცნების კანდიდატის, მიხეილ ყაველაშვლის კონკურენტი მეორე ტურში „ლეიბორისტული პარტიის“ ლიდერი, შალვა ნათელაშვილი იქნება. ცესკომ ამ ოლქში ხმების 100% უკვე დათვალა.

• მიხეილ ყაველაშვილი – 43,76% აქვს,
• შალვა ნათელაშვილი – 20,01%.

საბურთალოს მაჟორიტარულ ოლქში მეორე ტურისთვის ქართული ოცნების კანდიდატი, დავით სერგეენკო და „მოქალაქეების” კანდიდატი, ალეკო ელისაშვილი იბრძოლებენ. ცესკომ ამ ოლქში ხმების 100% უკვე დათვალა. შედეგებით მესამე ადგილზეა „ლელოს” კანდიდატი ბადრი ჯაფარიძე.

• დავით სერგეენკო – 43.23%
• ალეკო ელისაშვილი – 19.16%
• ბადრი ჯაფარიძე – 13.78 %

საბურთალოს მაჟორიტარულ ოლქში მეორე ტურისთვის „ქართული ოცნების“ კანდიდატი, ნოდარ ტურძელაძე და „ევროპული საქართველოს“ კანდიდატი, ელენე ხოშტარია იბრძოლებენ. ცესკომ ამ ოლქში ხმების 100% უკვე დათვალა.

• ნოდარ ტურძელაძე – 42.24%
• ელენე ხოშტარია – 35.55%

მთაწმინდისა და კრწანისის მაჟორიტარულ ოლქში მეორე ტურისთვის „ქართული ოცნების“ კანდიდატი, ბექა ოდიშარია და „ევროპული საქართველოს“ კანდიდატი, შალვა შავგულიძე იბრძოლებენ. ცესკომ ამ ოლქში ხმების 100% უკვე დათვალა.

• ბექა ოდიშარია – 44.81%
• შალვა შავგულიძე – 29.45%

სამგორის მაჟორიტარულ ოლქში მეორე ტურისთვის „ქართული ოცნების“ კანდიდატი,სოზარ სუბარი და „ნაციონალური მოძრაობის“ კანდიდატი, ლევან ხაბეიშვილი იბრძოლებენ. ცესკომ ამ ოლქში ხმების 100% უკვე დათვალა.

• სოზარ სუბარი – 45.87%
• ლევან ხაბეიშვილი – 39.18%

ყველა ინფორმაცია საპარლამენტო არჩევნებთან დაკავშირებით ნახეთ ამ ბმულზე