წყალტუბოში რამდენიმე სოფელი ელექტროენერგიის გარეშეა დარჩენილი.
უამინდობის გამო გამოწვეულმა წყალდიდობამ სოფელ ხომულში მდებარე გადამცემი დააზიანა. ენერგო პრო ჯორჯიას ინფორმაციით, დაზიანების შეკეთება ადგილზე წყლის მაღალი დონის გამო ვერ ხერხდება.
,,თუ წყლის დონე დაიწევს, სამაშველო ჯგუფი ადგილზე ელექტროენერგიას ჩართავს. სავარაუდოდ ელექტროენერგიის მიწოდება აბონენტებს ხვალ მაინც აღუდგებათ. ” – აცხადებენ კომპანიაში. ელექტროენერგია ამ დროისთვის სოფელ ხომულის, ქვილიშორისა და ყუმისთავის მოსახლეობას არ მიეწოდება.
ავტორი: კესო მოლაშხია
