ქობულეთში ყოფილი სასტუმრო „ინტურისტის” დემონტაჟის დროს, სამშენებლო მანქანა – ამწე გადაბრუნდა. მომხდარის შედეგად, დაშავდა ერთი პირი, ამწეს მემანქანე, რომელიც კლინიკაში გადაიყვანეს.
როგორც თვითმხილველები „პრაიმტაიმნიუსთან” საუბრისას აცხადებენ, მემანქანემ გადმოხტომა მოასწრო, თუმცა მძიმე დაზიანებები მიიღო.
მომხდარზე შს სამინისტრომ გამოძიება სისხლის სამართლის კოდექსის 240-ე მუხლით დაიწყო, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.
ავტორი: ნაირა ქობულაძე
