ოპოზიციის ერთ-ერთი ლიდერის, გიგი უგულავას განცხადებით, ევროპული საბჭოს პრეზიდენტის შარლ მიშელის ვიზიტის შემდეგ ხელისუფლებასა და ოპოზიციას შორის მოლაპარაკებები სხვა დონეზე გადავიდა, მაგრამ მიუხედავად ამისა შედეგამდე ჯერ შორსაა.
„იმ ადამიანებს, რომლებსაც თავი პარლამენტარები ჰქონიათ და მწვანე კიტრი ჰგონიათ, კიდევ ერთხელ გაიგონებენ, რომ უბრალოდ მარიონეტები არიან და მორღვეულ, ერთპარტიულ პარლამენტში სხედან და სხვებისთვის არანაირ სასიკეთო საქმეს არ აკეთებენ.
ეს მათ უნდა იცოდნენ და გაიგონ, ეს შეხსენებები მუდმივად იქნება. ეს წნეხი გაგრძელდება. ჩვენ ვნახეთ, რომ არსებითად სხვა დონეზე გადავიდა მოლაპარაკებები, მაგრამ უნდა გვესმოდეს, რომ ჯერ შედეგამდე შორია“, – განაცხადა გიგი უგულავამ.
შეგახსენებთ, რომ საქართველოში ევროპული საბჭოს პრეზიდენტი 2 დღიანი ვიზიტით იმყოფება.
შარლ მიშელი ხელისუფლებისა და ოპოზიციის წარმომადგენლებს შეხვდა და 6 პუნქტიანი ჩარჩო ხელშეკრულება წარუდგინა.
მოლაპარაკების 6 პუნქტი – რა შედეგით დასრულდა შეხვედრა პრეზიდენტის სასახლეში
