„რესპუბლიკური პარტიის“ ლიდერი დავით ბერძენიშვილი იმედოვნებს, რომ ოპოზიციური პარტიები თბილისის მაჟორიტარულ ოლქებში შეთანხმებას მიაღწევენ.
„მე ვფიქრობ რომ მაღალია ალბათობა იმისა, რომ ოპოზიციური პარტიები შეთანხმდებიან თბილისის მაჟორიტარულ ოლქებზე. მე აღარ ვარ ამ პროცესში, ამიტომ მივეცი თავს უფლება რომ შევთავაზე ჩემი ვერსია გამარჯვების ფორმულა, რომ
თბილისში 4-5-მა პოლიტიკურმა სუბიექტმა გაინაწილოს 8 ოლქი და კონკურენცია იყოს რეგიონებში. ანუ კოორდინაცია, კონსოლიდაცია თბილისში და კონკურენცია რეგიონებში და მეორე ტურში ყველგან ერთმანეთის მხარდაჭერა.
არც ვარ ჩართული და არც ვცდილობ რაიმე ინფორმაცია მივიღო კულუარული. 4 ადგილის განაწილება მიდის, იმედია გაინაწილებენ“, – განცხადა დავით ბერძენიშვილმა.
– თუ ალეკო ელისაშვილი უარს იტყვის საერთო მაჟორიტარ კანდიდატობაზე, ამით შეექმნება თუ არა პრობლემა ოპოზიციურ მაგიდას?
„მე მოხარული ვიქნები თუ ალეკო იქნება ამ ოპოზიციურ რვიანში. ჩემ შეთავაზებაში ალეკო ელისაშვილი არის. რაც რეალურია იქიდან ვსაუბრობ, თუ ალეკო იტყვის, რომ არა არ ვმონაწილეობ ეს ერთი მდგომარეობაა და ამის მიხედვით დავინახავთ რა პერსპექტივაა, თუ იტყვის რომ ვმონაწილეობ ეგ სხვა მდგომარეობა, ამიტომ ჩემი გამოცდილებით ამდენი დაშვება და „თუ“ არ ღირს, მარჩიელობას ემსგავსება პროგნოზი.
მე ვფიქრობ რომ უკეთესი იქნება მოხდეს ალეკო ელისაშვილით გადანაწილება, ასევე „ლელოთი“ თუ რომელიმე მათგანი არ იქნება ოპოზიციური შეთანხმების შესაძლებლობას არ დაანგრევს. მაღალი ალბათობით რაიმე ფორმატზე წამყვანი ოპოზიციური პარტიები მაინც შეთანხმდებიან.” – განაცხადა „პრაიმტაიმთან“ საუბრისას დავით ბერძენიშვილმა.
