საქართველოს ყოფილი პრეზიდენტი და უკრაინის რეფორმების ეროვნული კომიტეტის თავმჯდომარე მიხეილ სააკაშვილი სოციალურ ქსელში საქართველოს საგარეო საქმეთა მინისტრ დავით ზალკალიანს ეხმაურება.
„ამათ უკრაინა ჰგონიათ ისეთივე მონათმფლობელური საზოგადოება, რომლის ჩამოყალიბებასაც ცდილობენ საქართველოში”, – წერს სააკაშვილი.
ვაფრთხილებდით უკრაინელებს, ელჩს დავიბარებთ და მოვთხოვთ განმარტებებს – დავით ზალკალიანი
„თურმე ხელისუფლებამ უნდა აკონტროლოს ყველა თავისი მოქალაქის და პიროვნების გამონათქვამები და დასაჯოს თუ რამე არ მოეწონება.სინამდვილეში იმდენი კომპეტენციაც არ აქვთ საქართველოს საგარეო უწყებაში ესმოდეთ, რომ ჩემი სტატუსი უკრაინაში არ არის საჯარო მოხელის სტატუსი.
მე არა ვარ უკრაინის მთავრობის წევრი და არა ვარ ოფიციალური წარმომადგენელი რომელიმე სხვა თანამდებობის პირის. მე ვარ ეროვნული რეფორმათა საბჭოს აღმასკომის თავჯდომარე და ამგვარად შემიძლია გამოვხატო აზრი ნებისმიერ თემაზე, როგორც თავისუფალი ქვეყნის თავისუფალ მოქალაქეს“,- წერს სოციალურ ქსელში სააკაშვილი.
