დასავლეთ ავსტრალიაში, ბოლო ოთხი დღის განმავლობაში, კორონავირუსით ინფიცირების 0 შემთხვევა აღირიცხა. ინფორმაციას CNN ავრცელებს.

მაჩვენებელი ნულს მას შემდეგ გაუტოლდა, რაც დასავლეთ ავსტრალიის შტატის დედაქალაქ – პერთსა და ასევე, პილის რეგიონში, საყოველთაო მკაცრი იზოლაცია გამოცხადdა.

დღეს, ამის შესახებ, დასავლეთ ავსტრალიის შტატის პრემიერ მინისტრმა ინფორმაცია Twitter-ზე დაადასტურა.

I can confirm this morning that WA has recorded a fourth straight day with no new local cases of COVID-19 detected. pic.twitter.com/yo4XemZKfg

— Mark McGowan (@MarkMcGowanMP) February 4, 2021

Prime Time შეგახსენებთ, რომ ამ დროისთვის, Worldometer-ის მონაცემებით, ავსტრალაში, პანდემიის დაწყებიდან, სულ 28 838 ადამიანი დაინფიცირდა. გამოჯანმრთელდა – 26 079, ხოლო ვირუსის გამო გარდაიცვალა – 909.

გამოცემის მიხედვით, ავსტრალიაში, კორონავირუსის მკაცრი იზოლაციის მოხსნა პარასკევისთვის იგეგმება.