სომხეთის პრემიერ-მინისტრმა, ნიკოლ ფაშინიანმა განაცხადა, რომ ყარაბაღში ცეცხლის შეწყვეტის რეჟიმის შენარჩუნება ვერ მოხერხდა. ინფორმაციას სომხური მედია ავრცელებს.
„ცხადია, რომ მორიგ ჯერზე ცეცხლის შეწყვეტის რეჟიმის შენარჩუნება ვერ მოხერხდა. არ ვიცი, როგორი რეაქცია ექნება ეუთოს მინსკის ჯგუფს, მაგრამ სომხურმა მხარემ ყველაფერი გააკეთა ზავის დასაცავად. არცახის არმია დილიდან თავშეკავებულად მოქმედებდა, თუმცა დღის მეორე ნახევარში დაზუსტებით შეიძლებოდა თქმა, რომ ცეცხლის შეწყვეტა არ შედგა. ეს უკვე მესამე შემთხვევაა, როდესაც ცეცხლის შეწყვეტის შეთანხმებამ ვერ იმუშავა“, – განაცხადა ფაშინიანმა.
როგორც ფაშინიანმა განაცხადა, ის გვიან ღამით აშშ-ს სახელმწიფო მდივანს, მაიკ პომპეოს ესაუბრა.
„მაიკ პომპეოს ვუთხარი, რომ ეს მათთვის იყო პირველი შეთანხმება, ჩვენთვის კი უკვე მესამე, ასე, რომ ზუსტად ვიცოდით, რა მოხდებოდა, რომ შეთანხმება დაირღვეოდა, აზერბაიჯანული მხარე კი იტყოდა, რომ ეს შეთანხმება სომხეთმა დაარღვია. მთავარი შეკითხვა, რომელიც მე დავუსვი სახელმწიფო მდივანს იყო, თუ როგორ გაარკვევდნენ, ვინ დაარღვია რეალურად ცეცხლის შეწყვეტის შეთანხმება. “, – აცხადებს ნიკოლ ფაშინიანი.
შეგახსენებთ, რომ მთიან ყარაბაღში 26 ოქტომბერს ჰუმანიტარული ზავი ამოქმედდა.
ჰუმანიტარული ცეცხლის შეწყვეტა ძალაში 2020 წლის 26 ოქტომბერს 08:00 საათზე შევიდა.
თუმცა, მხარეები ცეცხლის დარღვევის შეთანხმებაში ერთმანეთის დადანაშაულებას განაგრძობენ.
