უფასო დარიგებები პირბადის ძალიან გთხოვთ, არ გვინდა. ეს ზღაპრები დაუტოვეთ ვიღაცას. უფასოდ არაფერი არ არის, – ამის შესახებ გაეროს გენერალური მდივნის მრჩეველმა ჯანდაცვის საკითხებში, გიორგი ფხაკაძემ განაცხადა.
მისივე თქმით, აუცილებელია პირბადე ხელმისაწვდომი და ხარისხიანი იყოს.
„უფასოდ არაფერი არ არის. მერე იმ წამალს დაამატებენ. მოდით, წამალი იყიდეთ და პირბადეს მოგცემთო. ეს ხრიკი გავლილი გვაქვს. უფასო პირბადე უნდა იყოს შესყიდული და დარიგებული. ეს სულ სხვა რაღაცაა. ჩემი მეგობრები საბითუმოდ ყიდულობდნენ პირბადეს, 45 თეთრად. ახლა კი, უკვე საცალოში 14 თეთრია. ეს დაუჯერებელია. ჩვენ მივაღწიეთ კარგ ფასს და ნუ დავიწყებთ, „უფასო დარიგება“. არ გვინდა, რადგან უფასოდ არაფერი არ არსებობს. ყველაფერი ფული ღირს, ვიღაცამ უნდა გადაიხადოს ამის ფული. ძალიან გთხოვთ, ეს მარკეტინგული ხრიკები არ გვინდა. ჩვენ გვინდა დაბალი ფასი და ხარისხი,“ – განაცხადა გიორგი ფხაკაძემ.
