ოზურგეთის მუნიციპალიტეტის დაბა ურეკის საპარტულო პოლიციის თანამშრომელს კორონავირუსი დაუდასტურდა. ის მეუღლესთან ერთად რამდენიმე დღის წინ საავადმყოფოში იმყოფებოდა, სადაც კორონავირუსზე ტესტი ჩაუტარდა.
ინფორმაცია „პრაიმტაიმნიუსს“ დაავადებათა კონტროლის ეროვნული ცენტრის გურიის განყოფილების ხელმძღვანელმა არჩილ მჟავიამ დაუდასტურა.
„ურეკის პოლიციის თანამშრომელს და მის მეუღლეს დაუდასტურდათ კორონავირუსი. ისინი მკურნალობას ფოთის ცხელების ცენტრში გადიან. საპატრულო პოლიციის ყველა თანამშრომელი კი თვითიზოლაციაშია გადასული.“- გვითხრა მჟავიამ.
შეგახსენებთ, დღეს გურიის რეგიონში კორონავირუსის 17 შემთხვევა გამოვლინდა.
ავტორი: ნინე ულუმბელაშვილი
