არანაირი რიგგარეშე, ვადამდელი არჩევნები, მსგავსი საკითხი მმართველ გუნდში კატეგორიულად არ განიხილება, – ამის შესახებ “ქართული ოცნების” ერთ-ერთმა ლიდერმა, მამუკა მდინარაძემ ჟურნალისტებს განუცხადა.
„არანაირი ვადამდელი არჩევნები – რაც არ უნდა გადაწიონ და მათი გადმოსახედიდან ჩვენთვის მომხიბვლელი იყოს წინადადება – 2022-ში, 2023-ში, 2024 წლის არჩევნებამდე 2 თვით ადრე ჩატარება თუ ა.შ. არანაირი მსგავსი საკითხი კატეგორიულად არ განიხილება მმართველ გუნდში. იქიდან გამომდინარე, რომ ეს ყვეელაფერი დამოკიდებულია იმაზე, რა მოხდა სინამდვილეში. გვაჩვევენ და ცდილობენ, ჩვენც კი დავკომპლექსდეთ, რომ არჩევნები კარგად ჩატარდა – ეს ვერავინ ვერ უნდა გაბედოს. ასეთი ტრენდი მკვიდრდება, ღალატად უთვლიან ერთმანეთს, თუ ვინმე იტყვის, რომ არჩევნები არ გაყალბებულა“, – განაცხადა მდინარაძემ.
შეგახსენებთ, „ლელო საქართველოსთვის“ ერთ-ერთი ლიდერი მამუკა ხაზარაძე მიიჩნევს, რომ 2022 წელს არჩევნების ჩატარების საკითხზე მსჯელობა საჭიროა. რასაც კოლეგა ოპოზიციონერების მხრიდან კრიტიკა მოჰყვა.
არჩევნების 2022 წელს ჩატარებაზე მსჯელობა საჭიროა – მამუკა ხაზარაძე
