ყველანაირი ძალადობა მიუღებელია, პირველ რიგში, ჟურნალისტებზე, – ამის შესახებ ჟურნალისტებს შინაგან საქმეთა მინისტრმა ვახტანგ გომელაურმა განუცხადა.
მისივე თქმით, მომხდართან დაკვშირებით გამოძიება მიმდინარეობს და დამნაშავეები დაისჯებიან.
„თქვენ იცით, გუშინ რაც მოხდა, მასზე გამოძიება დავიწყეთ. ერთი შემიძლია ვთქვა, რომ ყველანაირი ძალადობა მიუღებელია, პირველ რიგში, ჟურნალისტებზე. გამოძიებიდან რაც დადგინდება, დამნაშავეები შესაბამისად დაისჯებიან“, – განაცხადა გომელაურმა.
ცნობისთვის, გუშინ 4 მაისს დავით გარეჯში ივერი მელაშვილი და „მთავარი არხის” გადამღები ჯგუფი იმყოფებოდნენ, რასაც ადგილობრივების გაღიზიანება მოჰყვა და ფიზიკურ დაპირისპირებაში გადაიზარდა.
„მთავარი არხის“ გადამღებ ჯგუფზე თავდასხმის გამო გამოძიება ძალადობის მუხლითაა აღძრული.
