ვფიქრობ, ვაქცინაციისთვის ტექნიკური მზაობა ძალიან მაღალია, მთავარია აქტივობაც გვქონდეს მაღალი, – ამის შესახებ საქართველოს ჯანდაცვის მინისტრის მოადგილემ, თამარ გაბუნიამ განაცხადა.
მისივე თქმით, Pfizer-თან დაკავშირებით პერსონალისთვის დამატებით ჩატარდა ტრენინგი.
„კლინიკები მზად არიან. იმედია, არ დაგვჭირდება მსგავსი რამ, მაგრამ მზაობა არის მაქსიმალური. ანაფილაქსიური მართვის პროტოკოლიც სამინისტროს უკვე აქვს რამდენიმე თვეა, პერსონალსაც ტრენინგი გავლილი აქვს. ვფიქრობ, ტექნიკური მზაობა არის ძალიან მაღალი, მთავარია აქტივობაც გვქონდეს მაღალი, რომ ვაქცინების დოზები გამოვიყენოთ ბოლომდე. Pfizer-ის შემთხვევაში 21 დღე არის ის ინტერვალი, რომელიც უნდა დავიცვათ ინექციიდან ინექციამდე. მაშინ, როცა „ასტრაზენეკას“ დროს ინტერვალი არის რვიდან თორმეტ კვირამდე. ამიტომ, „ფაიზერის“ დოზები გაიყოფა ორ ნაწილად“, – განაცხადა გაბუნიამ.
