მთლიანობაში მუხრან მაჭავარიანის ქუჩისა და ვაშლიჯვრის მიმდებარე ფერდობები, ისტორიულ წარსულში ჩამოყალიბებული გეოლოგიური ფერდობებია და წარმოადგენს ტექტო/სეისმოგენეზისის ერთიან ბლოკს. აქ ყოველთვის მიმდინარეობდა ბუნებრივად გართულებები, – ამის შესახებ თბილისის მერიაში გამართულ პრესკონფერენციაზე გარემოს ეროვნული სააგენტოს გეოლოგმა მერაბ გაფრინდაშვილმა განაცხადა.
მისივე თქმით, გავრცელებული ინფორმაცია, თითქოს ვაშლიჯვრის მიმდებარე ტერიტორიაზე გაჩნდა ახალი რღვევები და ნაპრალები, სიმართლეს არ შეესაბამება.
„არასტაბილური ბლოკია, ბოლო დღეებში სოციალურ ქსელში ვრცელდება ინფორმაცია თითქოს ვაშლიჯვრის მიმდებარე ტერიტორიაზე გაჩნდა ახალი რღვევები და ნაპრალები. ახალი არ არის, წლებია ასეა და არავითარი საფრთხე მოსახლეობისთვის არ არსებობს.
მეწყრული სხეულის ჩასახვა მოხდა მარტის დასაწყისში და დღეს გავრცელებულ ინფორმაციას, ახალ ნაპრალებზე ერთმანეთთან არანაირი კავშირი არ აქვს. ამ ფერდობებზე და სხვა ტერიტორიებზეც გათვალისწინებულია მონიტორინგის სადგურების განთავსება, დაიწყება მონიტორინგი და თუ ახალი სახის დეფორმაცია გაჩნდა, მიღებული იქნება დამცავი ღონისძიებების შესახებ გადაწყვეტილება“, – განაცხდა მერაბ გაფრინდაშვილმა.
