თოვლისა და ყინვის გამო, ვაზიანი-გომბორი-თელავის საავტომობილო გზაზე ყველა სახის ტრანსპორტის მოძრაობა აკრძალულია. ამის შესახებ თელავის საგზაო სამმართველოს წარმომადგენელმა, თამაზ აბდულაშვილმა განაცხადა.
„გზაზე ლიპყინულის გამო, მოძრაობა ყველა სახის ტრანსპორტისთვის შევზღუდეთ. მიმდინარეობს ქვიშა-მარილის დაყრა და ვფიქრობთ, რომ სავარაუდოდ, ორ-სამ საათში გზის გახსნა მოხერხდება“, – განაცხადა სამმართველოს წარმომადგენელმა.
