“ევროკომისიის ანგარიშში ნახსენებ ვენეციის კომისიის რეკომენდაციებში თუ ის დასკვნა იგულისხმება, რომელზეც 19 აპრილის შეთანხმებაშია ყურადღება გამახვილებული, ვფიქრობ, ეს რეკომენდაციები სრულფასოვნად არის შესრულებული, ყოველთვის მნიშვნელოვანია ევროპული სტრუქტურებისგან მიღებული რეკომენდაციები, რომელიც უკავშირდება ისეთ რეფორმებს, რომელიც მაგალითად, სასამართლო ხელისუფლების რეფორმირებას შეიძლება უკავშირდებოდეს”, – ამის შესახებ ჟურნალისტებთან ადამიანის უფლებათა კომიტეტის თავმჯდომარე მიხეილ სარკველაძემ განაცხადა.
“რეკომენდაციების შინაარსი სათითაოდ, ყოველ ცალკეულ შემთხვევაში საჭიროებს გაანალიზებას, შემდგომ რეფორმების შინაარსზე უნდა შევთანხმდეთ და ამ გზით მოგვიწევს კანონმდებლობის და სისტემის გაუმჯობესება. ასევე, განსაკუთრებულ მნიშვნელობას იმსახურებს ვიზალიბერალიზაციის მიმართულებით შემდგომ გაუმჯობესებაზე ფიქრი და კარგია, რომ მსგავსი რეფორმების ინიციატორი შეიძლება იყოს ევროპული სტრუქტურები, ეს გამოხატავს ქვეყნის პროგრესის მხარდაჭერას,” – განაცხადა სარჯველაძემ.
ცნობისათვის, უვიზო რეჟიმის მონიტორინგის შესახებ ანგარიშში მოცემულ რეკომენდაციებში ნათქვამია, რომ საქართველომ უნდა დაასრულოს უზენაესი სასამართლოს რეფორმა მოსამართლეთა შერჩევის იმ პროცედურის შემოღებით, რომელიც სრულად შეესაბამება ვენეციის კომისიის რეკომენდაციებს და ევროპულ სტანდარტებს.
