ადამიანის უფლებათა კომიტეტის თავმჯდომარე მიხეილ სარჯველაძე “ადმინისტრაციულ სამართალდარღვევათა კოდექსში” ცვლილებებთან დაკავშირებით, ჟურნალისტებთან აცხადებს, რომ აღნიშნულ ინიციატივას პრეზიდენტმა ვეტო არ უნდა დაადოს, რადგან ამის საფუძველი არ არსებობს.
“ქართული ოცნება” მზად არის, წარადგინოს საკუთარი არგუმენტები კანონპროექტთან დაკავშირებით და მეტი სიცხადე შეიტანოს ამ დისკუსიებში. ოპოზიციის პოზიცია, რომ დიდ რისკებს ხედავენ ამ კანონპროექტიდან გამომდინარე, ეს არგუმენტირებული არ არის.
შესაბამისად, საამისოდ, ვეტოს დადების საფუძველი არ არსებობს. არ არის ეს ისეთი მტკივნეული კანონპროექტი, რომლის შედეგადაც, აპოკალიფსური სურათები უნდა დაიხატოს. არ არის ასე, ამას არ ვეთანხმები და შესაბამისად, არგუმენტაცია, რომელსაც ოპოზიცია ასახელებს, სწორი არაა”, – განაცხადა სარჯველაძემ.
