“მე პირადად მხარს დავუჭერდი და ვისურვებდი, რომ ოპოზიციის ნებისმიერი წარმომადგენელი შემოსულიყო პარლამენტში და გაეგრძელებინა მუშაობა”,- ასე უპასუხა საპარლამენტო უმრავლესობის წევრი დიმიტრი ხუნდაძე ჟურნალისტების კითხვას, დაუჭერს თუ არა ის მხარს ოპოზიციონერი დეპუტატებისთვის მანდატების გაუქმებას.
„ეს არის არა მხოლოდ ჩემი და მმართველი გუნდის სურვილი, არამედ ეს არის მათივე ამომრჩევლის მიმართ მათივე ვალდებულება. მათ პარლამენტში შემოსვლას და მანდატების მინიჭებას მხარი დაუჭირა მათივე ამომრჩეველმა, საზოგადოებამ გადაწყვიტა, რომ ამ შემადგენლობით ყოფილიყო საქართველოს პარლამენტი და ამ შემადგენლობით უნდა იყოს ყველა დეპუტატი პარლამენტის შიგნით და არა ქუჩაში. მე ჯერ დაველოდები მათ (ოპოზიციის) გადაწყვეტილებას და შემდეგ მივიღებ საკუთარს,”- განაცხადა ხუნდაძემ.
