ევროპარლამენტარი სვენ მიქსერი ბათუმში მომხდარ ტრაგედიას გამოეხმაურა და დაღუპულების ოჯახებს სამძიმარი გამოუცხადა.

“ძალიან ვწუხვარ ბათუმში დატრიალებული ტრაგედიის გამო. ვუსამძიმრებ დაღუპულთა ოჯახებს და ვიზიარებ ქართველი ერის ტკივილს,”-წერს სოციალურ ქსელში სვენ მიქსერი.

ცნობისთვის, ბათუმში, 26 მაისის ქუჩაზე, 7-სართულიანი შენობა ჩამოინგრა. კორპუსი 3 სადარბაზოსგან შედგებოდა, ჩამონგრეულია 1 სადარბაზო. აღნიშნულ კორპუსში 12 ოჯახი ცხოვრობდა. ნგრევა გუშინ, დღის, დაახლოებით, 12 საათზე მოხდა.

ტრაგედიას, ამ დროის მონაცემებით, 9 ადამიანის სიცოცხლე ემსხვერპლა.

ძალიან ვწუხვარ ბათუმში დატრიალებული ტრაგედიის გამო. ვუსამძიმრებ დაღუპულთა ოჯახებს და ვიზიარებ ქართველი ერის ტკივილს. #Batumi. https://t.co/S3xVUKP7KK

— Sven Mikser (@svenmikser) October 9, 2021