„მივესალმებით ჩინეთის განცხადებას, ჯანდაცვის მსოფლიო ორგანიზაციის ექსპერტების ქვეყანაში ჩასვლასთან დაკავშირებით“,- ამის შესახებ ჯანდაცვის მსოფლიო ორგანიზაციის ხელმძღვანელი, ტედროს ადჰანომ გებრეიესუსი სოციალურ ქსელ Twitter-ზე წერს.

„მივესალმებით ჩინეთის განცხადებას, ჯანდაცვის მსოფლიო ორგანიზაციის ექსპერტების ქვეყანაში ჩასვლასთან დაკავშირებით. ექსპერტებმა კორონავირუსის წარმოშობა უნდა შეისწავლონ. ასევე, მოუთმენლად ველოდებით ჩინელ კოლეგებთან თანამშრომლობას ისეთ მნიშვნელოვან და კრიტიკულ საკითხზე, როგორიც კოვიდის წარმოშობა და ვირუსის ადამიანის ორგანიზში გადასვლის გზაა“,- წერს ჯანმოს ხელმძღვანელი.

ცნობისთვის, ჩინეთის ჯანმრთელობის ეროვნული კომისიის განცხადებით, ჯანდაცვის მსოფლიო ორგანიზაციის ექსპერტთა ჯგუფი ქვეყანაში 14 იანვარს ჩავა.

We welcome #China's announcement regarding the intl. team examining the origins of virus that causes #COVID19. We look forward to working closely with our ?? counterparts on this critical mission to identify the virus source & its route of introduction to the human population.

— Tedros Adhanom Ghebreyesus (@DrTedros) January 11, 2021