“კორონავირუსის პანდემიის გავრცელება „სიჩქარეს იკრეფს“ და „მისი კონტროლი კიდევ ვერ ხდება“,- ამის შესახებ WHO-ს დირექტორმა, ტედროს ადჰანომ გებრეიესუსმა განაცხადა. ინფორმაციას Guardian-ი ავრცელებს.
როგორც გებრეიესუსმა აღნიშნა, ვირუსმა გლობალური და ეროვნული უთანასწორობა გამოავლინა.
„ხშირად ამბობენ, რომ დაავადებამ საზღვრები არ იცის. მას არ აინტერესებს ჩვენი პოლიტიკური განსხვავებები და ის უგულებელყოფს იმ განსხვავებებს, რომლებსაც ჩვენ გამოვყოფთ ჯანმრთელობასა და ეკონომიკას, ცხოვრებასა და საარსებო წყაროს შორის.
მსოფლიოს უმეტეს ნაწილში ვირუსი კონტროლს არ ექვემდებარება. იგი უარესდება. გლობალურ დონეზე COVID-19-ის 11.8 მილიონი შემთხვევა დადასტურდა, 544 000-ზე მეტი ადამიანი გარდაიცვალა. პანდემია სიჩქარეს იკრეფს“,- განაცხადა გებრეიესუსმა.
