კორონავირუსის საკითხებში WHO-ს  სპეციალური წარმომადგენლის, დევიდ ნაბაროს განცხადებით, ქვეყნებმა ლოქდაუნის, როგორც კორონავირუსის პანდემიასთან ბრძოლის მთავარ მეთოდად გამოყენება უნდა შეწყვიტონ. ლოქდაუნი დამანგრეველ ზეგავლენას ახდენს ქვეყნის ეკონომიკაზე. ინფორმაციას washingtontimes-ი ავრცელებს.

„ჯანდაცვის მსოფლიო ორგანიზაციაში ვირუსის კონტროლის მთავარ საშუალებად ლოქდაუნის გამოყენებას მხარს არ ვუჭერთ. ერთადერთი შემთხვევა როცა ლოქდაუნი გამართლებულია არის, როცა გესაჭიროებათ დრო რეორგანიზაციისა და ბალანსის საპოვნელად“,- განაცხადა ნაბარომ.

მისი თქმით, ქვეყნების ჩაკეტვამ შეიძლება მსოფლიოში სიღარიბის მაჩვენებლის გაორმაგება გამოიწვიოს.

„ეს საშინელი გლობალური კატასტროფაა და ამიტომ ჩვენ გვინდა მივმართოთ მსოფლიოს ყველა ლიდერს – შეწყვიტეთ ლოქდაუნის ვირუსის კონტროლის მთავარ საშუალებად გამოყენება. ამის მაგივრად, განავითარეთ უკეთესი სისტემა. იმუშავეთ ერთად და ისწავლეთ ერთმანეთისგან. გახსოვდეთ, რომ ჩაკეტვას მხოლოდ ერთი შედეგი აქვს – ისედაც ღარიბ მოსახლეობას უარეს მდგომარეობაში აგდებს“,- განაცხადა ნაბარომ.

WATCH: Dr David Nabarro, the WHO's Special Envoy on Covid-19, tells Andrew Neil: 'We really do appeal to all world leaders: stop using lockdown as your primary control method'. Watch the full interview here: https://t.co/XLdaedsKVS #SpectatorTV @afneil | @davidnabarro pic.twitter.com/1M4xf3VnXQ

— The Spectator (@spectator) October 9, 2020